بۇلبۇل بلوگى

0

ئۇيغۇر ھەققىدە قوشاق

263

بىزنى تۇغدى بۇ زېمىن،

يۇتار يەنە ھاپ قىلىپ.

كېيىنكىلەر چالىدۇ،

تېرىمىزنى داپ قىلىپ.

 

ئۆتۈشىمىز جاھاندىن،

غاجىلىشىپ، پېتىشماي.

ئۇ يۇرتلۇق ھەم بۇ يۇرتلۇق،

بىر-بىرنى قېتىشماي.

 

«ئۇيغۇر دېگەن ئۇيۇشقاق»

دېيىشىپ لاپ ئۇرىمىز.

ماجىرا تېرىپ ئۆز-ئارا،

ئويۇن كۆرۈپ تۇرىمىز.

 

نە كويلارغا سالمىغان،

بىزدىكى بۇ كەمچىلىك.

بۇ ئازابنىڭ ئالدىدا،

دوزاخ ئوتى قانچىلىك.

 

ئېگىز ئۆسكەن دەرەخمۇ،

خالىي بولماس پۇتاقتىن.

تۇغۇلسىكەن مىللىتىم،

پەقەت بىرلا قورساقتىن.

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ