بۇلبۇل بلوگى

0

ئۈچ تىل

275

‏ئەڭ ئاز دېگەندە ئۈچ تىل ئۆگىنىسەن
ئەڭ ئاز ئۈچ تىلدا
ئانىدىن تۇغما تۈپتۈز مېڭىپ كېتىسەن

ئەڭ ئاز دېگەندە ئۈچ تىل ئۆگىنىسەن
ئەڭ ئاز ئۈچ تىلدا خىيال سۈرۈپ، چۈش كۆرىسەن
ئەڭ ئاز بولسا ئۈچ تىل
بىرىسى ئانا تىلىڭ
قولۇڭ، پۇتۇڭدەكلا سېنىڭ
ئانا سۈتى كەبى بىكارغا
ئەللەيلەر، چۆچەكلەر، سەت گەپلەرغۇ سوۋغا
باشقىلىرى يەتتە گەز ناتونۇش
ھەر بىر سۆز ئارسلان ئېغىزىدا
ھەر بىر سۆزنى بىرمۇ-بىر تىرناقلىرىڭدا
يىلتىز قومۇرغاندەك قۇمۇرۇپ چىقىرىسەن
ھەر سۆزدە خىش قويغاندەك ئىگىزلەپ
ھەر سۆزدە بىر قەۋەت يۈكسىلىسەن

ئەڭ ئاز دېگەندە ئۈچ تىل ئۆگىنىسەن
ئەڭ ئاز ئۈچ تىلدا
قەلبىمنىڭ قېتىدىن دېيىشنى
قىزىلگۈلنىڭ كۆكىمۇ بار دېيىشنى
يا ئۆلۈم، يا كۆرۈم دېيىشنى
ئاتنىڭ ئۆلۈمى ئارپىدىن بولسۇن دېيىشنى
ئۆچكىنى ياردىن ئۇچۇرغان بىر تۇتام ئوت دېيىشنى
ئىنساننىڭ ئىنساننى ئېكىسپىلاتاسىيە قىلىشى
رەزىللىكنىڭ ئەڭ يۈكسەك پەللىسى دېيىشنى
يەنە نېمە بولسۇن
گۈلدۈر-گۇپپاڭ دېيىشنى ھەم بىجىرىسەن

ئەڭ ئاز دېگەندە ئۈچ تىل ئۆگىنىسەن
ئەڭ ئاز ئۈچ تىلدا
ئانىدىن تۇغما تۈپتۈز يۈرۈپ كېتىسەن
ئەڭ ئاز بولسا ئۈچ تىل
چۈنكى سەن مەيلى تارىخ ۋە مەيلى جۇغراپىيە
يا بۇ ۋە ياكى شۇ بولسۇن
ئوغلۇم مەرنۇس
سەن ماشىنىسىغا ئۈلگۈرەلمىگەن بىر مىللەتنىڭ پەرزەنتىسەن

ئاپتورى: بەدرى راھمى ئەيۈپئوغلۇ
تەرجىمىدە: ئۇيغۇربەگ

ئالدىنقى شېئىر:

كېيىنكى شېئىر:

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ