بۇلبۇل بلوگى

0

تولۇنئاي

366

نۇربىيە ئابدۇكېرىم

*

بۇ كېچە
كۆكنى ئىشخال قىلدى
قىز كۆكسىدەك تولغان ئاق مەرمەر
قۇرۇپ كەتكەن چۈشتە ئۈزمەكتە
كۆكتىن چۈشكەندەك
يەردىن ئۈنگەندەك روشەن گەۋدىلەر

بۇ كېچە
ئەقلىمنى قىسماقتا مەۋجۇت خىياللار
ئەسلىتىپ مومامنىڭ موخۇركىسىنى
قىرىق يىللىق تۇللۇقىغا قەدىناس بولغان
تولۇنئاي
كۆرسەتمەكتە ئېڭىمدا داغدام
بالىلىقمدا
ئاشتاختىدىن ئۈزۈپ قاچقان خېمىرلىرىمنى
قولۇمغا سۇۋۇشۇپلا تاشقا ئايلانغان…

ئاي تولغان كېچە
ئەكسىمنى ئۆلتۈردۈم تۈننىڭ بىسىدا
كېسىك باشلار تۇردى يانمۇ ـ يان
ئارىمىزدا قالمىدى ھاۋا
سۆڭىكىمدىن تەقلىدىم كەرگۈ
ياپتىم تېرەمنى
قېنىمنى سۈزۈپ
سەپتىم يۈزىگە
پۈتتى تولۇنئاي
جان تالىشىپ تۇرۇپ دېيىشتۇق
سۈكۈت ئاقسۇن جىمجىت بۇ كېچە
كۆك كەزسۇن بىزنى
روھلار كۆرسۇن
سېرىق ئىستەك بويلىغان ئىزنى

2016 ـ 20 ـ يانۋار ئۈرۈمچى (تۈن كېچە)

ئالدىنقى شېئىر:

كېيىنكى شېئىر:

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ