بۇلبۇل بلوگى

0

سۆيگۈ

214

سۆيگىنىم سەھەرنىڭ بالدۇرىنى ياخشى كۆرىدۇ
مەن كېچىنى ۋە ئۇنىڭ قاراڭغۇلىقىنى
ئۇ چوققىلارغا ئامراق، قورقىدۇ بۇنىڭدىن
مەن شاماللار بىلەن ئۇچراشقان دۆڭنى، ئاجايىپلىقنى
ئۇنىڭغا بىر يېشىل كۈلۈمسېرەيدۇ
مەن، ھاياتنى قانداق سەۋدايىلارچە سۆيگەن بولسام
دەيمەنكى، سېنىمۇ شۇنداق.
ئۇ ئۆز بوشلۇقىدا لاغايلىغان كۈنلەردە
جېنى سىقىلغان كىچىك بالىدەك ئۇخلايدۇ
مەن كۆككە قارايمەن كېچىدىن
ئۆز چوڭقۇرىنى تاپقان دېڭىز كەبىمەن دەيمەن، يېنىڭدا
ئۇ سەھەرلەردە ئىگىلىپ سۆيۈپ قويىدۇ دېڭىزنى.

يالىڭاچلىقىڭ يالىڭاچلىقىمدا، شامىلىڭ تېغىمدا بولسۇن
قاراڭغۇلۇقۇڭ كېچەمدە، مۇشۇ پېتى قال.
«بۇلۇتلارغا قارا، كېتىشمەكتە، تېزلا» دەيسەن
يامغۇر يالاپ قويدى يۈزۈمنى
بىر توختايدۇ، سەھەرلەردە ئېگىلىپ يۈزۈمگە
سۆيۈشلىرىڭ كەچمەكتە بىر-بىرلەپ، تۇيماقتا ئەقلىم.

سۇ ۋە شامال، تاغ ۋە چوققا، چەكسىز ھەممىسى
ھالبۇكى ئەينەكتىكى سېسىقيار①دەك ئۈششۈيدۇ
سەن ماڭا پىچقان ئۆلۈم كېلەر ئەقلىمگە بىر-
بىرلەپ، يالىڭاچلىقىڭ يالىڭاچلىقىمدا.

شامىلىڭ تېغىمدا بولسۇن قاراڭغۇلۇقۇڭ كېچەمدە
شۇ پېتى قال، ساڭا چەكسىز ئېسىلغىنىمدا.

ئاپتور: بىرخان كەسكىن
تۈركچىدىن ئەنۋەر ھامىت تەرجىمىسى

ئىزاھات:
①سېسىقيار: گۈل ئىسمى، يەنە بىر ئىسمى قوغۇنگۈل(ئۇيغۇرسوفت لۇغىتى)

ئالدىنقى شېئىر:

كېيىنكى شېئىر:

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ