بۇلبۇل بلوگى

0

مۇھەببەت

208

مۇھەببەت،ئەي، گۈزەل ئىزتىراب،
ئەي، كونا دەرد، ئەي، كونا تۇيغۇ!
كۆكرىكىمگە قولۇڭنى تىرەپ،
يۈرىكىمنى تەقىب قىلدىڭغۇ!

 

قانچە كۆزلەر ماڭا زار ئېدى،
نە غەم، نە بىر قايغۇم بار ئېدى،
قۇشتەك يەڭگىل روھىم بار ئېدى؛
چاك-چېكىدىن سۆكۈپ قويدۇڭغۇ!

 

نە قىلاردىڭ ماڭا تېگىب سەن،
يېڭىلمىگەن ئېدىم ــ يېڭىب سەن.
باشلىرىمنى يەرگە ئېگىپ سەن؛
قامىتىمنى پۈكۈپ قويدۇڭغۇ.

 

سەن مەن ئۈچۈن بىر خىيال ئېدىڭ،
ياخشى بار، يا ياخشى قال ئېدىڭ.
قان كېرەكمۇ؟ مانا، ئال ئەمدى،
قىينار بولساڭ قىيناپ تويدۇڭغۇ!؟

 

بىلسەم ئەسلى سېنىڭ مەقسىدىڭ:
ماڭا بىر جۈپ گۈلنى راسلىدىڭ،
بىرسىنى سەن كۈمۈش ئاتىدىڭ،
يەنە بىرىگە زەينەپ قويدۇڭغۇ.

 

مۇھەببەت، ئەي، گۈزەل ئىزتىراب،
كوچاڭ كەزدىم سەرسان، تەمتىرەپ،
يۈزلىرىمگە يۈزلىرىڭ سۈركەپ،
كۆزلىرىمنى ياشلاپ قويدوڭغۇ…

* * * * * * *
ئاپتورى: مۇھەممەد يۈسۈف
ئۆزبىكچىدىن ئۇيغۇرچىلاشتۇرغۇچى: ئۆزقان
* * * * * * *

ئالدىنقى شېئىر:

كېيىنكى شېئىر:

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ