بۇلبۇل بلوگى

0

مېنى كۆيدۈرۈشىڭگە

222

ئۇ سىرلىق يانغىنغا بۇ جان قانداق چىدىدى؟
ساھىلگە ئۇردى قەلبىم، سۇ ياندى، قۇممۇ ياندى.
شامدەك ئېرىپ ئاقتى يالغۇزلۇقىم،
ئۆلۈمگە باش كۆتۈرگەن دەرتلىك ئۇيقۇممۇ ياندى.
يۇرتىدىن مەھرۇم قىلىپ كەزدۈردۈڭ جەم كەبى،
روھىم بىلەن ئۆچتى يالقۇن، ئاندىن روھىممۇ ياندى.
كۈل بولدى بىر يىگىتنىڭ پىغانى بىلەن پۈتۈن ئۈمىت
بۇلبۇلنىڭ كۈللىرىگە قونغان ھۇقۇشمۇ ياندى.
بۇنداق بىر يانغىننى ھەتتا نەمرۇتمۇ كۆرمىدى،
كاكتۇسنىڭ سايىسىدە ئاھىممۇ ياندى.
ئاھىم دەپ ئويلار ئىدىم ئەڭ بىتەلەي ئۇچقۇنىم،
كىرپىكىگە تېگىپ تۇرغان قانلىق ئاھىممۇ ياندى.
بىر تامچە سۇ بەر ئەي،چۆل!سەن بولساڭمۇ قېيىدىما،
قالمىدى ھېچبىر نەرسەم، باق،گۇناھىممۇ ياندى.
يېڭىلىشلار توپان كەبى باستى ئۈستۈمدىن،
دۆلىتىم يوق بولدى، ھەيھات!
بارگاھىممۇ ياندى.
قۇللارنى ھەر ئاخشام تۇمان قىلدى كۆزلىرىڭ،
بېشىمغا تاج قىلغان پادىشاھىممۇ ياندى.
تۇنجى قېتىم بۇ شەكىلدە ھەسەن-ھۈسەنگە ئوت كەتتى،
رەڭلىرىم قارا بولدى ۋە قاراممۇ ياندى.
ئۇنىڭدىن باشقا نېمەم بولسا ياندى،
ياندۇق سەن ۋە مەن
ئۇنى كۆرەي دەپ قىبلىگاھىممۇ ياندى.

 * * * * * * *

نۇرۇللاھ گەنچ ( تۈركىيە)

تۈركچىدىن ئەنۋەر ھامىت تەرجىمىسى

 * * * * * * *

ئالدىنقى شېئىر:

كېيىنكى شېئىر:

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ