بۇلبۇل بلوگى

0

كۆڭلۈم

231

گۈلزاردا كىپىنەك، سەيلانە كۆڭلۈم، 

بۇلبۇلى غەزەلخان، مەستانە كۆڭلۈم. 

ئ‍ۆلۈمدىن باشقىسى تاماشا دېدى، 

يارغا ياماشتى مەردانە كۆڭلۈم. 
بىر جاننىڭ ئ‍ىچىدە مىڭ جان بار دېدى، 

ھەر جاننىڭ ئ‍ىچىدە زىندان بار دېدى. 

زىنداننىڭ ئ‍ىچىدە جانان بار دېدى، 

ئ‍ىشققا قۇل بولۇپ بىچارە كۆڭلۈم. 
كۆزلەر ئ‍اھۇسىغا چۆكتۈردى زۇلمەت، 

كىرپىكلەر جادۇسى چانىدى دەھشەت. 

چاچلارنىڭ دارىغا ئ‍ېسىلدى رەت- رەت، 

ئ‍ۆلۈكى ئ‍ىتلارغا سازايى كۆڭلۈم. 
رەستىگە چىقسا گەر بولدى ئ‍ەل قاچ- قاچ، 

چۈنكى ئ‍ۇ كىيىمسىز ئ‍ىدى يالىڭاچ. 

جەندەيۇ- كۇلاھنى كىيدى نائىلاج 

ئ‍اشىقى قەلەندەر، دىۋانە كۆڭلۈم. 
تاش كىردى زۇۋانغا، سايدا مۇساپىر، 

ئ‍ايلاندى تاشقا ھەم بىر يالغۇز شائىر، 

تاشنىڭ ھەمراھى يالغۇزلۇق ئ‍اخىر… 

يالغۇزلۇق ئ‍ىچىدە نۇرانە كۆڭلۈم.

ئالدىنقى شېئىر:

كېيىنكى شېئىر:

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ