بۇلبۇل بلوگى

0

كاكتۇس and تېكساس①

346

1

سىلەرگە،

بۇ ھوجرىنىڭ گۇگۇم پەيتىدىكى قاراڭغۇلۇقىدىن

ئوكيانىدىن، مېنى بوغقان دولقۇنلىرىدىن،

تېنىمدە قالغان تۇزىدىن ۋە

ياستۇقلاردا قۇرۇغان كۆز-يېشىدىن

ھىچ سۆز ئاچمىدىم.

سىلەرگە،

تىژلىقمۇ دەپ باشلانغان تېلېفونلىرىڭلارغا

(ئەسلىدە غەلىتە، ئاجايىپ)

ئاق ئاپئاق تەبىئىتىم بىلەن

«مەن تىژلىق» دەۋاتىمەن.

يەنى، ئەسلىدە قورقۇۋاتىمەن

پۈتۈن بۇلار قىيامەت

پۈتۈن بۇلار ساراڭلىق

پۈتۈن بۇلار جىنايەت دېيىشتىن

يەنە بىر قېتىم تۈزەتكىلى بولمايدىغان سۆزلەر

سۆزلەشتىن قورقۇۋاتىمەن.

تېلېفون بىلەن بىللە چىراقنىمۇ ئۆچۈرۈپ

ئامەت تىلەيمەن، دېيىشلىرىڭلار، ئامەتلەر، دېيىشىڭلار، دېيىشىڭلار

جاراڭلىغاندا ئىچىمدە،

بۇنىڭ كۆڭلۈمنى قانچىلىك يېرىم قىلغانلىقىدىن

ھېچ سۆز ئاچمىدىم.

مەن سۆز ئاچمىغان تېخى نۇرغۇن ئىشلار بار

ياز گۈللىرى، دەرىزە گۈللىرى ئۆلمەكتە

ئاخشامنىڭ ئالتۇنى كۆمۈشكە ئايلانماقتا

بۇلارمۇ مۇھىم ئەلۋەتتە

ھېچبولمىسا،

ماڭا ساتقىنلىقنى ئۆگەتتىڭلار

ماڭا قاناتلىرىمنى تاشلاتقۇزغىنىڭلارغا ئوخشاش.

 

2

 

ھوجرىدىكى چىراقنى

تېنىمدىكى تۇزنى چاقتىم

ياستۇقلاردا قۇرۇغان كۆز-يېشىنى

ئۇپۇقنى

تەرك ئەتتىم.

سۆز كىرلەشتى،

ئۆز ئالىمىمدە ئۆزەمگە

مۇلازىملىق قىلماقتىمەن.

 

3

مەن سىلەر بىلەن ياشىغان ھەممە نەرسە قىيامەت،

مەن سىلەر بىلەن ياشىغان ھەممە نەرسە ساراڭلىق

مەن سىلەر بىلەن ياشىغان ھەممە نەرسە جىنايەت ئىدى

روھ كىرلەشتى

قەلبىمنىڭ بىر بۇرجىكىدە ئېتىنى توختاتقانلار ئۈچۈن

چايان باقماقتىمەن.

 

ئاپتور: بىرخان كەسكىن

تۈركچىدىن ئەنۋەر ھامىت تەرجىمىسى

 

كاكتۇس and تېكساس①

كاكتۇس ۋە تېكساس

ئالدىنقى شېئىر:

كېيىنكى شېئىر:

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ