بۇلبۇل بلوگى

0

ئەمما

149
يوغان ھويلاڭنى ماختايسەن، كۆرۈنمەيدۇ ئاناڭ ئەمما،
ئاناڭ يوق ھويلىغا ئەسلا ياراشماپتۇ باراڭ ئەمما.
پىشۇرساڭ،تۇتسىمۇ قايماق گويا ناندەك قېلىنلىقتا،
ئاناڭغا بەرمىگەن سۈتتىن ئەمەس رازى كالاڭ ئەمما.
ئاناڭ يوق ھويلىدىن خۇشكەن ئەجەب كۆڭلى ئايالىڭنىڭ،
مومام!دەپ يىغلىسا، ئۇندىن تاياق يەپتۇ بالاڭ ئەمما.
ياياق كەلدى، ياياق كەتتى سېنى ھەر كۆرگۈسى كەلسە،
ئاناڭنى سۆرىمەي سۇندى بالاڭ چۈشكەن چاناڭ ئەمما.
ئۆيۈڭدە قىشلىدى بەزەن گويا قىشلاقتىكى قويدەك،
جىمى يۇرت كۆزى شاھىتتۇر؛ ئۇنىڭ ئۈستى يالاڭ ئەمما.
بالام، دەپ بوينىغا ئالغان كۆيۈمچانلارغۇ كۆپ بىزدە،
ئانام!دەپ باغىرنى ياققان كىشى بىزدە شالاڭ ئەمما.

ئالدىنقى شېئىر:

كېيىنكى شېئىر:

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ