بۇلبۇل بلوگى

0

دادا

531

سىلۋىيە پلاس
دىلمۇرات مۇتەللىپ ئېنگىلىزچىدىن تەرجىمە قىلدى

سەن بولالمىدىڭ ، سەن بولالمىدىڭ،
ئەمدى بولالمايسەن بىر پاي قارا ئاياغ
ئۇنىڭ ئىچىدە مەن خۇددى بىر پۇتقا ئوخشاش
ئوتتۇز يىلدىن بېرى بىچارە ھەم تاتىراڭغۇ ھالدا،
تىنىشقىمۇ پېتىنالماستىن ياشاپ كەلدىم.

دادا سېنى ئۆلتۈرۈۋېتىشىم كېرەكتى.
ۋاقتى سائىتى كېلىشتىن بۇرۇن سەن ئۆلدۈڭ…
قورام تاشتەك ئېغىر، تەڭرىگە لىق توشقان سومكا،
يەكپاي كۈلرەڭ پۇتلۇق بەدبەشرە ھەيكەل
بەئەينى سان فىرانسىسكودىكى دىڭىز شىرىدەك چوڭ
كۆك دىڭىز ئۈستىگە يېشىلرەڭ تۆكۈۋاتقان
كىلەڭسىز ئاتلانتىكتىكى بىر باش
گۈزەل ناسىت دىڭىز ساھىلىدا.
مەن سېنى ساقايسىكەن دەپ مۇناجات قىلغان .
گىرماننىڭ تىلىنى سۆزلەپ، پولشانىڭ بازىرىدا ياشاپ
ئۇرۇشنىڭ، ئۇرۇشنىڭ، يەنە ئۇرۇشنىڭ چاقلىرىدا يانجىلىىپ يەكسان بولغان.
ئەمما بازىرىنىڭ ئىسمى ناھايىتى ئادەتتىكىچە بولغان
بىر پولەك دوستۇم
دەيدۇكى بىزدە بۇنداق بازارلار بەكلا كۆپ.
شۇڭلاشقا دەپ بېرەلمەيمەن زادى قەيەردە،
بار سەن پۇتۇڭنى تىققۇدەك،يىلتىز تارتالىغۇدەك جاي.
گىرمان تىلى بوغۇزۇمغا تاقاشتى .
تۆمۈر قارماقنىڭ سىمىدەك تاقاشتى.
ئې،ئې،ئې،ئې،
مەن گەپ قىلالمىدىم.
مەن ھەربىرگىرماننى دەل سەن دەپ ئويلايىتتىم.
ئۇلارنىڭ تىلىنىمۇ پوخۇر بىر تىل دەپ تەسەۋۋۇر قىلاتتىم

ماتور، بىر ماتور
مېنى خۇددى بىر يەھۇدىنى سۈرۈپ ماڭغاندەك ئىتتىرمەكتە.
خۇددى داچۇ، ئوسۋىنسىن، بېلسېندىكى يەھۇدىلارنى سۈپۈرۈپ ماڭغاندەك.
مەن يەھۇدىدەك سۆزلەشكە باشلىدىم.
مەن ئۆزەمنى يەھۇدى بولۇشۇم مۇمكىن دەپ ئويلايمەن.
تىيرولنىڭ قارلىرى، ۋىنانىڭ سۈزۈك پىۋىلىرى
ئەمەلىيەتتە ئۇنچىۋالا ساپ ۋە ھەقىقى ئەمەس.
سىگان ئەجداتلىرىم ۋە غەلىتە تەغدىرىمگە قاراپ
مەن ئامراق سىگان پالچىلىرىنىڭ پال ئاچىدىغان كورتلىرىمغا قاراپ
مەن ئۆزەمنى ئازراق يەھۇدى ئوخشايمەن دەپمۇ قالىمەن

مەن ھەمىشە سەندىن قورقۇپ كەلدىم،
سېنىڭ ناتسىس ھاۋا ئارمىيىسىدەك سۈرلۈك تۇرقۇڭ.
سېنىڭ رەتلىك ساقىلىڭ
ھەم سېنىڭ ئارىئانلاردەك كۆپكۆك كۆزلىرىڭ.
ئاھ،سەن بىر تانكىچى ئەسكەر–
تەڭرى ئەمەس بەلكى ئېس ئېسچىلارنىڭ بەلگىسى
شۇقەدەر قارىكى ئاسمانمۇ ئۇندىن بالقىپ ئۆتەلمەس.
ھەربىر ئايال فاشىسىتقا ئاشىق،
يۈزىگە تېپىلگەندە ئۆتىكى،ساڭا ئوخشاش
رەھىمسىزنىڭ رەھىمسىز يۈرىكى.

مەن ساقلىغان سېنىڭ رەسىمىڭدە،
سەن دوسكا ئالدىدا تۇرىسەن،دادا
جاۋغىيىڭدا بىرتال يېرىق،پۇتۇڭدا يوق
ئالۋاستىدىن قېلىشقۇسىزسەن،ئەمما
باشقا قارا كىيىملىك كىشىلەردە ئەسلا ئۇنداق ئىزنا يوق
مېنىڭ چىرايلىق قىزىل يۈرىكىمنى ئىككى پارچىلاپ.
سېنى كۆمۈپ قويۇشقىنىدا مەن ئون ياشقا كىرگەن.
ئۆلۈۋېلىشقا ئۇرۇنغاندا مەن ئون ئىككىگە كىرگەن
ھەم ساڭا،ساڭا ،ساڭا قايىتماقچى بولغان
ھەتتا سۆڭەكلىرىممۇ ئۆلۈشنى خالايدۇ دەپ ئويلىغان.
ئەمما ئۇلار مېنى تاغاردىن قۇتقۇزۇپ چىقىرىۋىلىشتى،
ئاندىن ئۇلار مېنى يىلىم بىلەن چاپلىۋېتىشتى.
ئاندىن مەن نىمە قىلىشىم كېرەكلىكىنى بىلدىم.
مەن سېنىڭ مودېلىڭنى ياسىدىم،
ناتسىس سىياقىدىكى قارا كىيىملىك ئەر
قىيىن قىستاق شەكلىدىكى مۇھەببەت.
مەن ئىلگىرى دېگەنكى مەن تامامەن خالايمەن.
شۇنىڭ ئۈچۈن دادا، مەن ئاخىرى قۇتۇلدۇم.
قارا رەڭلىك تېلىفۇن ئۈزۈل كېسىل ئۈزۈلدى
ئەمدى ئۇ ئاۋازلار قايتا تىمىسقىلاپ كىرەلمەيدۇ.
ئەگەر مەن بىر ئادەمنى ئۆلتۈرسەم ،ئىككىنى ئۆلتۈرگەنگە ھېساپ–
قان شۇرىغۇچى ئالۋاستى ئۆزىنى مەن سېنىڭ داداڭ دىگەن
ھەم بىلگىنكى ،ئۇ مېنىڭ قېنىمنى بىريىل،يەتتە يىل ئىچكەن.
دادا، ئەمدى ئارام تاپىدىغان ۋاقتىڭ بولدى.

دادا سېنىڭ سېمىز قارا يۈرىكىڭدە بىر سەندەل قوزۇق بار
سەھرالىقلار سېنى پەقەتلا ياقتۇرمايدۇ.
ئۇلار ئەتراپىڭدا ئۇسۇل ئويناپ سېنى دەسسەپ چەيلىمەكتە.
ئۇلار گۇناھكارنىڭ دەل سەل ئىكەنلىكىڭنى بىلىدۇ.
دادا ،دادا ،سەن دەل مەن قۇتۇلماقچى بولغان ئەبلەخ.

ئالدىنقى شېئىر:

كېيىنكى شېئىر:

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ