بۇلبۇل بلوگى

0

 بىر ئازدىن كېيىن كۈن تۇغىدۇ

217

 

بىتون تاملار ئارىسىدا بىر گۈل ئېچىلدى

سىلەر قەھرىمانلىرى چىشلىق چاقلار ئارىسىدا تىركەشكەن ئىنسانىيلىقنىڭ

چېچىڭلار ئىزتىراپ دېڭىزىدا بىر تۇتام باشاق

قوللىرىڭلار يىلتىز تارتقان دەرەخلىرىدۇر زامانغا

ئاشۇ  ئىتىقاد دەۋرىنىڭ.

 

زامان ئاقار، يەر تىركىشەر، كۆك يۈزى قانات كېرەر

ئۆلۈمسىز گۈللەرنى توشۇيسىلەر كۆكسىڭلەردە

زۇلمەت ئورمانىدا ئىمان قۇياشىدۇر كۆزۈڭلار

تىنىقىڭلار ئۈمىتسىز جەرەنلەرنىڭ كۆز يېشىغا قولياغلىق.

 

كۈن تۇغار، شامال چىقار، بۇلۇت توپلىشار

رەھمەت ناخشىسى ئېيتار يامغۇرلار

پىشانەڭلار ئەڭ كۈچلۈك قارشىلىقتۇر تۆمۈر،چۆيۈنگە.

شاۋقۇن بېسىقار،ئاۋاز ئۆچەر، سۆيگۈ ئۇرۇقلىرى بىخلىنار

ئاۋازسىز بومبىدۇر، سۆزلىشەر تېرەنلەردە.

 

ئەي، سەۋرچان تۇپراقلىرىمىزنىڭ مۇقەددەس دەرىخى

سەن بىزگە ھاياتسەن،ئۈمىتسەن، مازارلاردەك چۇڭقۇر

بىزنى بىر قىلغان، تىرىلدۈرگەن ھەم سەن

بىز ئۈستىدە ئۇخلىغان قۇش پەيلىرى رەڭگىدىكى ھارارىتىڭ

ئەي، تومۇرىمىزدا قېتىپ قالغان مۇز چىراي ھەيكەللەر شەھىرى

ھالاك بولغاندىن كېين مەن پاناھ تىلىگەن شەپقەت ئانىسى

ئەي ، تاغلارنى تەۋرەتكەن، تاشنى قۇم قىلغان شامال

ئەي، ئالەمنى قاتۇرغان نۇر، يەرگە جان بەرگەن قول.

 

كۈن كېلەر، يەر ئويغىنار، ئويغىنار قۇرت-قوڭغۇز

بوز دالا تىترەر،قاقاس تاغ ياشىرار

كۆك پاكلىنار كىرلەشكەن تۇمانلاردىن

سۇ شوخ ئاقار، دېڭىز تاشار، جانلىنار ئۆلۈك شەھەرلەر

ياپيېشىل بىر شامال چىقار يۇلتۇزلارنىڭ  ئارىسىدىن.

 

خۇشخەۋەرگە ھامىلدار ھازىر سىلەر

يالغانچىلىقنىڭ پولات دۇمبىقى چوقۇم يېرىلار

ھويلاڭلاردا چوڭ بولىدۇ  ئىماننىڭ قۇياش يۈزلۈك بالىسى.

 

* * * * * * *

ئەردەم بەيازىت ( تۈركىيە)

تۈركچىدىن ئەنۋەر ھامىت تەرجىمىسى

* * * * * * *

ئالدىنقى شېئىر:

كېيىنكى شېئىر:

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ