بۇلبۇل بلوگى

0

بېلورۇس تىلى 1

552

ھەتتا ئانىلىرىمىزمۇ بىلمەيدۇ بىزنىڭ قانداق تۇغۇلغانلىقىمىزنى

ئۇلارنىڭ پاچاقلىرىدىن ئايرىلىپ بۇ دۇنياغا ئۆمىلەپ چىققانلىقىمىزنى

بومباردىماندىن كېيىنكى خارابە ئىچىدىن ئۆمىلەپ چىققاندەك

بىز قايسىمىزنىڭ ئوغۇل قايسىمىزنىڭ قىز ئىكەنلىكىمىزنى ئايرىيالماي قالىمىز

بىز ئەخلەتنى بولكا دەپ ئاچكۆزلەرچە يالماپ يۇتىمىز

ۋە بىزنىڭ كەلگۈسى

تەنھەرىكەتچىمىز ئۇپۇقنىڭ ئىنچىكە يىڭنىسى ئۈستىدە

نومۇر كۆرسەتمەكتە ئەنە

ئەڭ ئېگىز مەيداندا

پاسكىنا

 

بىز بىر يېزىدا چوڭ بولغان ئۇ يەردە

ئاۋۋال ئىشىكىڭ بور بىلەن سىزىلاتتى

ئاندىن كەچتە بىر پەيتۇن يېتىپ كېلەتتى

ئاندىن ھېچكىم سېنى قايتا كۆرمەيتتى

لېكىن ئاشۇ ھارۋىلارغا چىققانلار يا

قوراللىقلار ئەمەس ئىدى  ياكى

قىلىچلىق سەرگەردانلار ئەمەس ئىدى

مانا بۇ مۇھەببەتنىڭ بىزنى يوقلاشقا قانچىلىك ئامراقلىقى

ۋە بېشىمىزغا خالتا كىيگۈزۈپ تۇتۇپ كېتىشى ئىدى

 

تامامەن ئەركىن پەقەت ئاممىۋى ھاجەتخانىدا

ئۇ يەردە ئازراق پارچە پۇل ئۈچۈن ھېچكىم بىزنىڭ نېمە قىلىشىمىزغا دىققەت قىلمايتتى

بىز يازنىڭ ئىسسىقى ۋە قىشنىڭ سوغۇقى بىلەن كۆرەش قىلدۇق

بىز بىز ئۆزىمىزنىڭ بۇ تىل ئىكەنلىكىمىزنى بايقىغان

ۋە بىزنىڭ تىللىرىمىز كېسىپ تاشلانغان چاغدا بىز كۆزلىرىمىز بىلەن سۆزلىشىشكە باشلىدۇق

كۆزلىرىمىز ئويۇپ تاشلانغاندا بىز قوللىرىمىز بىلەن پاراڭلاشتۇق

قوللىرىمىز كېسىپ تاشلانغاندا ھوشۇقلىرىمىز بىلەن گەپلەشتۇق

پاچاقلىرىمىزغا ئوق ئېتىلغاندا بىز باشلىرىمىزنى لىڭشىتىپ ھەئە، دېدۇق

بېشىمىزنى چايقاپ ياق، دېدۇق ئۇلار بىزنىڭ باشلىرىمىزنى تىرىك پېتى يېگەندە

بىز ئۇخلاۋاتقان ئانىلىرىمىزنىڭ قارنىغا ئۆمىلىشىپ كىرىپ كەتتۇق

خۇددى بومبىدىن مۇداپىئەلىنىش ئورنىغا كىرگەندەك

قايتىدىن تۇغۇلۇش ئۈچۈن

 

ۋە بىزنىڭ كەلگۈسى تەنھەرىكەتچىمىز ئۇپۇقتا

قۇياشنىڭ ئوت چەمبىرىدىن ئاتلاپ

ئۆتمەكتە

 

ئاپتور: ۋالژىنا مورت

ئىنگلىزچىدىن ئەنۋەر ھامىت تەرجىمىسى

ئالدىنقى شېئىر:

كېيىنكى شېئىر:

شېئىرلىرىمىزنى ياقتۇرغان بولسىڭىز بېكىتىمىزگە مۇشتەرى بولۇپئەڭ يېڭى شىئىرلاردىن خەۋەردار بولۇڭ

سىزمۇ باھا يېزىپ بېقىڭ